Maktab formasini tikishda Belarusning «kamvol» matosidan foydalaniladi

Joriy yilning avgust oyida O’zbekiston Respublikasi Vazirlar Mahkamasi keyingi o’quv yilidan e`tiboran yagona maktab formasini kiritishga doir qarorni qabul qildi.

«Ayni damda maktab o’quvchilari uchun ilk namunalar tikiladigan «Kamvol» matolarini Toshkentga yetkazib berishga oid muzokaralar bormoqda. Belarusning yengil sanoat mahsulotlarini ulgurji sotishga doir sohaning eng yirik ko’rgazmasi mehmonlari Belarus tekstili sifatini yuqori baholashdi. U yerda kiyim-kechak ishlab chiqaruvchilar taqdimoti, Fashion sanoati va internet-savdoda samarali menejment bo’yicha treninglar o’tkazildi», – deyiladi «Belarus 24» telekanali efirida.

«Kamvol» (Minsk kamvol kombinati) «Bellegprom» konserni yengil va to’qimachilik sanoatining eng yirik korxonalaridan biri hisoblanadi. Korxona kostyum va kiyim-kechaklar uchun sof junli va yarim junli matolarni ishlab chiqarish bo’yicha Belarus Respublikasidagi yagona, MDHdagi eng yirik korxonadir.

print
image_pdfPDF da yuklashimage_printBosmaga chiqarish

Muallif: Bahodir

Javob yozing