So‘rov: eng ko‘p korrupsiya qaysi sohada?

Kun.uz turli mavzularda kun so‘rovi o‘tkazishni davom ettirmoqda. Bu safar so‘rovnoma ishtirokchilari eng ko‘p korrupsiya qaysi sohada ekanligi haqida fikr bildirishdi.

Toshkent shahrida yashovchi aholi vakillari eng ko‘p korrupsiya ta’lim sohasida, deya fikr bildirgan. Shu bilan birga, qurilish hamda huquqni muhofaza qiluvchi organlarda ham korrupsiya mavjud, deb hisoblovchilar ham bor.

«Hamma sohada o‘ziga yarasha korrupsiya bor», deydi fikr bildirganlardan biri.

Shuningdek, so‘rovnomada ishtirok etgan ikki nafar qizaloq ham korrupsiya haqida o‘z fikrlarini bildirib, uni juda yomon deb atadi.

 «Korrupsiya O‘zbekistonda juda rivojlanib ketgan, korrupsiyani yengish uchun O‘zbekiston xalqi birlashishi kerak», deydi so‘rovnomaning yosh ishtirokchilaridan biri. 

«Kun.uz so‘rovi» loyihasi davom etadi. Agarda sizni qiziqtirgan bugungi kunning muhim savollari bo‘lsa, tahririyatga yo‘llashingiz mumkin.

print
image_pdfPDF da yuklashimage_printBosmaga chiqarish

Author: Bahodir

Javob yozing